Limpinga lyango limemamaki na bokutani bwango na DG ya ENI Alessandro Puliti na minsitre ya Congo ya ba Hydrocarbures, Jean-Marc Thystere Tchicaya oyo alimboli ete esengeli terminal ya pétrole ya Ndjebo (na Pointe-Noire) ezonga mobimba na maboko ma Congo le 18 novembre.
"Elingi koloba ete terminal eye esalelamaki na bokambami bwa consortium Total E&P Congo, misolo minso mitiamaki, misala minso msalamaki, ekozwama" (na mbulamatari ya Congo Brazzaville), elimboli ministre Tchicaya.
"Kobanda le 18 novembre, terminal wana ekozala na 100% ya Ekolo Congo. Elingi koloba ete na bonsomi bonso, Congo ezali na makoki ya komituna nini ya malamu kosala, mpe lisusu nini ezali malamu mpo na mboka mpe komema nkwokoso te lisanga nyonso ya ba sociétés basalaka na terminal yango mpe babimisaka mbuma na ekolo Congo. Ndenge nini kosala mpo ete manso mazala na alima mpe terminal eye ekoba na kobimisa pétrole mpe bolamu ya mboka eyeba na komonana, mpe mingi kokoma malamu koleka oyo ezalaki kosalema," ebakisi ministre Tchikaya.
Limpinga lyoko lya bayi Congo-Brazzaville lizala na mosala wuto sanza mingi mpo kokoma mikanda, kobongisa masolo na bato banso basala mabi ma pétrole na ntina ya kobongisa maye ekolo Congo ekosala na terminal eye.
ENI SA ezali copmagnie ya Italie, ekelama wuto 1953 mpe elukaka, etalaka mpe ezwa pétrole. Esalaka mosala na Congo-Brazzaville wuto mwa mibu.
Ministre Tchikaya ayebisi ete masolo na président Sassou mazalaki mpo na kotala ndenge nini ENI ekoki kotia mosolo mpo na kosalela pétrole kino 2021.
