Misala mya bokengi mpe bayi pulusu batiami na ekenge makasi na Washington, engumba mokonzi ya Etats-Unis, mpo na sango ete lelo nde balandi ba mokonzi abimi na bokonzi bakokita ebele na ntina na kovandisa na bokonzi Donald Trump ata mabongisi Joe Biden asi azwaki ebonga mpe abandaki mosala.
Balandi ba Donald Trump kati na bango ba ye babengami QAnon, bandikama ete maponami mayibamaki. Milulu mikoki kosalama na Congrès epayi wapi bituluku ya balandi ba Trump basalaki mobulu le 6 janvier moleki mpo na kopekisa bondimami ya elonga ya Joe Biden na Congres.
Bato sambo bakufaki. Sénat esambisaki Donal Trump mpo na likambo lyango kasi ekweyisaki ye o’likambo mpo baike na ba Senateur nde baponaki kotika Trump.
Baike na democrates balaki sika kofunda Trump na bazuzi mpo na yango.
Balandi ba Trump baponi Mokolo ya lelo mpo ezalaki kala mokolo ya bovandisami ya mokonzi ya mboka na ebonga nsima na maponami.
Mposo, Donald Trump alobaki akoki kozonga na maponami ma 2024.