Eddy Kapend, Aide de camp to mosunga mwa mokonzi ya mboka ya kala nkondo Laurent-Desire Kabila oyo abimisamaki na boloko epayi alekisa mibu mingi na etumbu ya boloko ya libela aketalamaki mpo bobomi bwa mokonzi ya kala oyo ya Ekolo Congo democratique, apesami mpete ya General de Brigade na Mampinga ma ekolo FARDC mpe atiami mokambi ya étuka ya 22 ya mampinga na mokano mwa mokonzi ya mboka azali na ebong Felix Tshiseledi.
Mokano mwa botomboli ye mosakolamaki lobi loleki na mpokwa kati na mikano misusu mya mokonzi ya ekolo oyo apesi mpe mpete na bato mingi basusu.
Eddy Kabend oyo azalaki colonel abimisaki na boloko na sanza ya yambo ya 2021 na mokano mwa ngolu ya mokonzi ya mboka Felix Tshisekedi nsima na kolekisa mibu ntuku mibale na CPRK Makala mpo na bobomi bwa Laurent Desire Kabila.
Molobeli ya mokonzi ya mboka, Tina Salama oyo atangami mikano minso mya botomboli bato lobi loleki asakolaki été botombwami ba Eddy Kapend bosalami na lolenge la makambo masalemaka te to a titre exceptionnele lokola elobamaka na Français.