Ba Léopards ya Ekolo Congo Démocratique balongi ba Walya ya Ethiopie 2-0 na match ya mibale ya ba éliminatoires ya CAN 2024 na Maroc mokolo mwa mosala moko na stade Benjamin Mkapa na Tanzanie.
Na elongo eye, ba Léopards batikali na molongo mwa yambo ya groupe H na bilembo motoba.
Théo Bongonda aningisaki monyama mpo na ba Léopards na 62' .
Fiston Mayele abakisaki ya mibale na 76'.
Ba Léopards balongaki mpe lokola match ya yambo liboso lya Guinée 1-0 na stade des Martyrs ya Kinshasa mokolo mwa mposo moleki.
Na groupe K, Uganda ebetaki Congo-Brazzaville 2-0 na Kampala.
Congo-Brazzaville elongaki match ya yambo mposo moleki 1-0 liboso lya Sudan ya Sud.
Uganda ezali yambo na groupe eye na bilembo minei.
Angola, na groupe F, ekomi mpe na bilembo motoba.
Ba Palancas Negras ya Angola balongi 2-1 Sudan.
Balongaki ba Black Stars ya Ghana 0-1 mikolo minei mileki.
Ba Match misusu mpe ebetamaki.
Burundi 0-1 Sénégal
Guinée Equ. 2-2 Togo
Madagascar 1-1 Comores
Niger 1-1 Ghana
Lesotho 0-1 Maroc