Ambassadeur ya Etats-Unis na Kinshasa alaki na bakambi ya sika ya misala mya bopekisi mpe kobundisa kaniaka lisungi ya FBI mpe ba procureurs ya USA.
"Masolo kitoko na bakambi ba sika ya Agence de prévention et de lutte contre la corruption (APLC)," eyebisi na compte Twitter na ye ambassadeur Mike Hammer oyo amibengaka "Nzita" na lolenge ya bayi RDC.
"Bayi FBI mpe ba procureurs ya Amerika bamilengeli mpo na kopesa maboko na makambo manso makozala na nzela ya molongo. Lisanga, tokoki kokamba makambo makatisaka mboka inso," ekomi M. Hammer.
Motambwisi ya APLC, Me Ghislain Kikangala na basungi ba ye basusu bakutanaki na ambassadeur Mike Hammer na Kinshasa.
Président Félix Tshisekedi awutaki kotia bango na esika mikolo mibale mileki na mikano misakolamaki na television ya l’Etat.