Bosembo

Burundi: Buyoya aboyi kondima etumbu ya boloko ya libela akatelami na liwa lya Ndandaye

Mokonzi ya kala ya Burundi Pierre Buyoya na milulu na Kigali, le 7 avril 2014. (REUTERS/Noor Khamis)

Mokonzi ya kala ya Burundi Pierre Buyoya, oyo azali lelo molakisi elongi ya Union africaine na Mali, akatelami na mosika, etumbu ya boloko ya libela mpo na liwa nkondo Melchior Ndandaye oyo akitanaki na ye na bokonzi na 1993 na mboka na bango.

Pierre Buyoya aboyi kondima ekateli yango.

"Tobwakisi bikateli biye bikoki kotala biso ata moke te" ekomi na liyebisi M. Buyoya na bato basusu 20 bazwi etumbu elongo na ye mpo na liwa lya M. Ndandaye.

Etumbu yango ezali kobanda mibu 20 ya boloko kino boloko ya libale.

Bosambisami na bango bobandaki mibu mibale mileki.

Bato banso bakweyisami bakomi, kolanda liyebisi lyango, ete ezali likambo lya politiki. Bazali kopamela président ya sika ya Burundi, Evariste Ndayishimiye mpo na yango.

Melchior Ndandaye azalaki mokonzi abimaki na maponami mpe Mohutu wa yambo ya kokoma mokonzi.

Basoda babomaki M. Ndaye na 1993 na bokweyisi bokonzi basalaki.

Yango ememaki bitumba kati mampinga maye mazali na maboka ma Batutsi na mangomba ma basimba minduki ma Bahutu.

Koleka bato 300.000 bakufaki.