Mokambi ya sika ya Ceni, Denis Kadima, abandi mosala mwa ye cendredi nsima na kopesana ebonga na Corneille Nangaa akitani na ye na bokambi misala mya maponami.
M. Kadima alaki ete elongo na basungi ba ye, akopesa ekolo maponami malamu na 2023.
Mokonzi ya sika ya CENI asakoli akobengisa mikolo mikoya plénière mpo na kobongisa maponami ma ba bakambi ya bituka zomi na misato esika ba gouverneurs bakweyisama.
Vice-premier ministre mpe ministre ya intérieur asengaki maponami malingaki kozala le 3 décembre mapusana nsima mikolo.