"Ensemble pour la république eyebisi na bato banso ete na butu ya mercredi kino jeudi 6 août 2020, ndako ya président Moïse Katumbi na Lubumbashi ezwaki masasi ya solo," ekomi bayi bwanyi na liyebisi.
Bakomi na liyebisi lyango balobi ete, misala mya police mikutaki ete lisasi moko etobolaki plafond ya ndako mpe ekitaki na chambre (suku) ya kolala ya président,
"Mabe ekomaki te mpe moto moko te azwaki likama," elobi bayi bwanya ya Ensemble.
M. Katumbi na libota lya ye bazalaki na mboka na ye, na Kashobwe ntango likambo layngo lislamaki.
Bakambi ya etuka ya Haut-Katanga mpe ya police bayanoli nanu te mpo na likambo lyango kasi bozangi bokengi bozali mingi wuta mwa ntango na engumba eye.
Bato mabe bakota na ndako ya bato mpe basalaka mbeba mingi.
Ndako ya M. Katumbi ezalaka na nsima ya 22e région militaire ya FARDC, esika ebatelamaka malamu.