Mokolo ya sika ya boyoki ya M. Fayulu bopesami te, kolanda liyebisi ya PNC.
"Bayike bakomisaki mbela yango makambo ya politiki. Yango ekoki kotiya na likama bavandi ya nzinganzinga ya coordination nationale ya police judiciaire," eyebisi molebeli ya PNC Col. Pierrot Mwanamptu ntango atangi liyebisi na television nationale.
Col. Mwanamputu alobi ete biteyelo mpe ba ndako ya bato bizali nzinganzinga ya bisika biye.
Martin Fayulu afundamaki na Jean-Claude Ngoyi Lufuluabo na baninga baye mpo na kotinda bato koyina bato ya bakabila basusu (haine ethnique), bobomi baluba, kopunza, kopekisa makoki ya basusu, mbeba ya genocide, mbeba ya bobomi bato ebele.
M. Fayulu aboya kondima elonga ya Felix Tshisekedi na maponami mpe alobaka ete ezalaki likambo ya boyokani na Joseph Kabila, mokonzi ya kala ya ekolo.