Politiki

RAM : Motion ya défiance etikami mpo na ministre Kibassa na Assemblée nationale

Bakeli mibeko na ndako ya makita ya Assemblée nationale na Kinshasa, RDC, 15 décembre 2012.

Bakeli mibeko 101 batie manzaka na motion de définace mokonda ya kosenga bolongwi ya ministre Augustin Kibassa Maliba ya postes, télécommunications et nouvelles technologies de l’information et de la communication etikami lelo na bureau ya Assemblée nationale.

Bayi FCC, liboke lya mangomba mazali nsima na mokonzi ya kala Joseph Kabila, batiki na Bureau ya Assemblée nationale motion ya défiance to mokonda ya kosenga bolongwi ya ministre Augustin Kibassa Maliba ya postes, télécommunications et nouvelles technologies de l’information et de la communication mpo na likambo ya RAM, mpako ezwama na ba téléphone mobile.

Bakeli mibeko 101 batie manzaka na motion yango.

Bureau ya Assemblée nationale embengisi nanu te plénière mpo ete Augustin Kibassa ayanola na motuna mokeli mibeko ya UNC Jean-Claude Misaro atunaki ye.

Ngonga ntuku minei na mwambe esi eleki ndenge mibeko misengi. Mingongo mingi mitombwami mpo na kopamela likambo lyango lokola Jean-Claude Katende, koambi ya ASADHO, ONG ya bitumba mpo na makoki ma bomoto.