Politiki

Serge Yhombi Opango akomi moto ya mibale ya kosenga Cour constitutionnelle kopoya elonga ya Sassou

Jean-Jacques Serge Yhombi Opango ya opposition, Brazzaville, le 11 décembre 2019. (VOA/Arsène Séverin)

Nsima na Mattahias Nzon, moko na baye bawelelaki maponami ma mokonzi ya Congo-Brazzaville le 21 mars, Jean-Jacques Yhombi Opango, mokambi ya RDD asengi ye mpe lokola na Cour constitutionnelle koboya bilembo bimonasaki elonga ya président Denis Sassou N’Guesso na 88,57%.

Jean-Jacques Serge Yhombi Opango, azalaki candidat te kasi asalaki boyokani na nkondo Guy Brice Parfait Kolelas candidat oyo akufaki na France esika akendaki mpo na lisalisi lya nzoto buku bolandaki maponami.

M. Yhombi Opango asengi na Cour constitutionnelle koboya bilembo ya maponami ma le 21 mars mpo na liwa lya Kolelas mpe lombonga na bosakolami ya bilembo.

Alobi Buku likonzi lisengi kobandela maponami soki moko na ba candidats apekisamaki kosala maponami. Mpo na ye, liwa liepkisaki M. Kolekas.

Parquet ya France, lokola minganga ya Congo, esakolaki M. Kolelas akufaki na COVID-19. M. Kolelas azwaki 7,8%.

Na suka ya mposo moleki, Mattahias Nzo moyi opposition mosusu, oyo azwaki 1,9% ye mpe asengaki na Cour constitutionnelle koboya bilembo byango.

Nzokande, ba ONG ya bitumba mpo na makoki ma bomoto basengi bobimisami na bokangami ya Dr Alexandre Ibacka Dzabana, moko na babundi ba makoki ba bomoto oyo akanagamaki wuto le 5 mars.