Président Félix Tshsiekedi asakoli ete motema na ye mokiti mpo OMS (Mabongisi ya molongo mpo na bokolongono) endimi ete Ebola ezali likambo mokili mobimba mosengeli koluka kosilisa na lombango to "urgence sanitaire mondiale".
"Na nzela eye, RDC ekosangisa makasi na baye banso bokoki kosalisa yango mpo na kosilisa bokono boye bobomaka, boye bolingi kopanzana na monyele to est na ekolo", ekomi mwana mboka Tshisekedi na liyebisi présidence ebimisi.
Mokonzi ya Congo démocratique akomi na liyebisi yangoa ete "motema mokiti nsima na bondimi bokono ya virus Ebola lokola bosenga ya lombango ya bokolongono ya bato na molongo mobimba, na OMS".
Mikolo mibale mileki, mokambi ya OMS esalaki lisakoli liye mpe esengaki mokili mobimba kopesa maboko mpo na koluka kosilisa bokono boye bobomi koleka bato 1.700 banda sanza ya mwambe ya mobu moleki.
Nzokande USA na agence na yango ya ntombwa USAID, elobi ekokoba kopesa maboko na ntina ya kosilisa bokono boye.