Président Félix Tshisekedi ya RDC akutani na mokani wa ye ya Togo Faure Gnassingbé na New York (USA) na masolo ya pembeni ya bokutani bonene ya Nations unies. Asololaki o’mokolo ya lundi na mokonzi ya Rwanda Paul Kagame.
Maye M. Tshisekedi asololi na F. Gnassingbé mayebisami te.
Kasi o’mokolo ya yambo ya mposo mokonzi ya RDC ayambaki Paul Kagame elongo na molongan mpe libita ya mokonzi ya Rwanda.
"Masolo mango mazalaki mpo boyokani malamu bozali kati na mboka mibale eye," eyebisi na VOA Lingala, moko na balobeli ya président Tshisekedi, Tina Salama.
Boyokani kati na RDC na Rwanda bozali koyikisama banda M. Tshisekedi akotaki na bonkonzi na sanza ya yambo.
M. Kagame asilaki kokende na Kinshasa mbala mingi. Azalaki na matanga ya Etienne Tshisekedi, tata, moboti ya Félix Tshisekedi.
Mokonzi ya RDC mpe asi akeyi na Rwanda mbala moko.