Félix Tshisekedi ya ekolo Congo démocratique lokola mpe mokokani wa ye ya Congo-Brazzaville Denis Sassou N’Guesso bakomi na Addis Abeba, Ethiopie epayi wapi bakozala na 33e Sommet ordinaire ya Union africaine (UA).
M. Tshisekedi, aponamaki vice-président ya UA na sommet ya 2019, esengeli azwa esika ya président na session eye.
Akomi Addis Abeba na molongani wa ye Denise Nyakeru.
Mama ya likambo ya bokutani bwango bozali: "Kosilisa makelele ya minduki: kobongisa makambo mpo na développement ya Afrika".
Makambo mazali koleka na Libye, na Sahel mpe na Soudan du Sud nde makolobelama na bokutani boye.