Ba bombes ekweyaki esika bakima bitumba batiyama na Rusayo na Goma epayi baike bakufi. Kasi na mpokwa masasi mazali kobetema na engumba mokonzi ya Nord-Kivu. Bobangi bozali mpe bavandi baike bazali kokima na bitumba batomboki ba M23 baye bapesami maboko na Rwanda bazali kosala. Fiston Issemwami
Conseil ya sécurité ya ONU esanganaki na likita ya mbalakaka mpo na bitumba ya M23 biye bikomi Goma. SG ya ONU Antonio Guterres asengi Rwanda kolongala mampinga ma yango na RDC. Ministre ya mambi ma Bapaya ya RDC Kayikwamba asengi etumbu mpo na Kigali. Rwanda esengi molongo kotala ntina ya bitumba
Molakisi elongi molandi ya Ekolo Amerika na Conseil ya sécurité ya ONU, Dorothy Shae, alobi USA epameli makasi bitumba bya Rwanda mpe M23 na Goma mpe na Sake. Esengi botelemisi mpe bosukisi bitumba na lombango mpe elaki kosalela manso mpo etumbu ya baye bazali na mokumba na mobuku moye na RDC.
Ministre ya mambi ya Bapaya ya RDC asengi ba diplomates banso ya ekolo kozonfa mboka kasi Kigali epameli Monusco kosenga eyano ya ekowumela mpe ya suka.
Molobeli ya mampinga ma ekolo Congo démocratique, gén. Sylvain Ekenge alimboli ndenge moyangeli ya soda ya Nord-Kivu gen-maj. Chirimwami na bitumba na batomboki ba M23. Gen. Ekenge alobi yango na bokutani na bapanzi nsango mpe alaki ete Rwanda ekofuta.
USA, Royaume-Uni mpe France basengi bana ba bikolo bya bango kobima na Goma mpo na bitumba M23-FARDC. Tokende na Goma kotala nde nini makambo mazali koleka nzinga nzinga na bitumba biye bizali koba na ba ngomba. Tobengi na Goma éditeur ya journal Les Coulisses Nicaise Kibelbel Oka.
➡️ OMS ezali kozongela kotala nini kotiya liboso mpo na bolongui ya ekolo Amerika ➡️ Motomolo ya FMI apesi toli na bayi Europa mpo été balanda ndakisa ya ekolo Amerika ➡️ Na ndelo ya Kibati ezali ya kokawuka mpo ata moto azali wana te
General Peter Chirimwami akufi na masasi azwaki na bitumba, elobi molobeli ya mampinga ma RDC, general Sylvain Ekenge nsima na likita lya bokengi ya likolo likambamaki na mokonzi ya ekol Congo démocratique Félix Tshisekedi. Bililingi bizali ya misala mya nsango ya mokonzi ya RDC.
Biteyelo mpe misala mingi bikangi o'mokolo mwa mosala minei mpe ya mitano na Goma (Nord-Kivu) mpo na bitumba bikasi biye bizali kongala nzinga nzinga. Mampinga ma bimisaki bibundeli ya makasi, bakimi bitumba mingi bakomi na engumba eye mpe bavandi bazali kobanga. Tala nsango ya Fiston Issemwami.
➡️ OMS ezali kozongela kotala nini kotiya liboso mpo na bolongui ya ekolo Amerika ➡️ Na ndelo ya Kibati nzela eye ememeke na mondelo ezali ya kokawuka ➡️ Turquie epesaki likanisi ya kozala na kati-kati mpo na koyokanisa ekolo Rwanda mpe RDC
Mikolo misato nsima na centre ya Minova kokweya na maboko ma basimba manduki ya M23, bakonzi ya mampinga ma RDC na Nord-Kivu bapekisi mibembo ya bwatu ya mike mike na lac Kivu na Sud-Kivu mpe Nord-Kivu. Bavandi bazali kopesa makanisi maye makeseni nsima ya mokano mwango. Jérémie Kuhima.
Na engumba Goma, misala misalemaki te lokola na momesano o mokolo mwa mosala misato (23 sanza ya yambo 2025) na ntina ya bitumba bia batomboki ba M23, biye bingalaki makasi na Saké epayi wapi mampinga ma RDC ma bwakaki ba bombe mingi. Tolanda bolayi na Fiston Issemwam
Voir plus
