Justin Inzun Kakiak azongisami na ebonga ya mokambi ya ANR (Misala mya bokengi ya Ekolo Congo Démocratique), kolanda mokano mwa président Félix Tshisekedi moye mosakolami o’mokolo mwa mosala mitano.
Mokano mwa M. Tshisekedi molongoli na ebonga eye Daniel Lusadisu Kiambi oyo akitanaki na Jean Hervé Mbelu na suka ya 2021.
Mbongwana eye esalami mikolo zomi na mibale nsima na bomeki bokweyisi bokonzi bosalamaki na Palais de la nation, ndako ya mosala ya président Tshiskedi, na Kinshasa b na bato baike bazalaki na sokoto mpe minduki mpe bakambamaki na Christian Malanga.
Inzun Kakiak akomaki ntoma ya lokumu mpe ya mpifo ya RDC na Congo-Brazzaville nsima na kokamba yambo ANR wuta 2019 kino suka ya 2021.
Inzun Kakiak akitanaki na Jean Hervé Mbelu.
Daniel Lusabisu oyo azali monganga na maye matali mitema mpe soda ya kala ya DSP, limpinga liye lizalaki kobatela president Mobutu Sese Seko.
Bayi mbulamatari ba RDC balobaki ete M. Malanga azalaki na passeport ya ekolo Amerika elongo na mwana wa ye Marcle Malanga na mindele mibale misusu.
M. Malanga abomamaki na masaki na mobulu yango.
Bayi Grande-Bretagne babale baye babangolaki bomwana mboka na bango ya RDC bakangamaki mpe lokola na ba passeport na bango lokola mpe bayi RDC basusu bazalaki na bango.
Kolaka ba media ya Belgique, moko na bapesi toli ya M. Lusadisu, Jean-Jaqques Wondo akangamaki mp nsima na bomeki coup d'état mpo masolo ma ye manonaki na telephone ya Christian Malanga.
M. Wondo azalaki moyi mampinga ma RDC ya kala kasi atangaki mambi ma bokengi mpe mampinga Academie militaire belge mpe akomaki momanyoli ya ba media mingi mpo na makambo maye.
Forum