RDC efundi Apple na misala mya bosembo po na bozui na bobuki mibeko mabanga ya talo.

Ekolo Congo democratiki ezali kokoba na likanisi ya kofunda Apple na misala mya bosembo po na bozui na bobuki mibeko mabanga ya talo. Ekolo Congo democratiki, na nzela ya basambeli ba yango, etindi liyebisi to mise en demeure ya bofundi mosala ya monene ya ekolo Amerika na nkombo ya Apple, eye efundami kosalela mabanga ya talo biye bizuami na mayuya mpo na misala to ba industries ya technologie mpe ya telephones. Likanisi liye lilandi bokutani na Kinshasa na ministre ya Communication mpe Medias, elongo na basambeli William Bourdon mpe Peter Salas. Basambeli baye, sima ya masolo na mokonzi ya ekolo Felix Tshisekedi, bamonisaki lobi loleki na bapanzi sango ete bofundami bosi bobandisamaki na ekolo Amerika mpe na ekolo France mpo na kotiya Apple o’boso ya misala mya ye ndenge azali kosalela mabanga ya talo miye mizali kobimisama na nzela ya bitumba mpe bozangi botosi ya ntoma ya bomoto to droits humains, biye bizali komatisa bitumba na region, bitumba biye ekolo Rwanda efundami kosala.