Mokonzi ya ekolo Amerika, Joe Biden, atiki kowelela bokonzi ya ekolo mpo na mandat ya mibale mpe alobi lelo mokolo mua eyenga ete azali kopesa maboko na mokitani na ye Vice-presidente Kamala Harris lokola candidate democrate na maponami ya 2024.
M. Biden alaki ete akosolola na bayi mboka sima kaka na poso eye na ntina ya komonisa na bokebi mpo na nini azui mokano mona.
"Lelo nalingi napesa maboko ma ngayi mpe makasi na ngayi na Kamala mpo ete azala moyi candidate ya parti na biso na mobu eye", elobi M. Biden na X na ye.
Forum