Mikuwa ya bato ebele baye babomama na ba ADF bimonani na Beni

Na Nord-Kivu, mikuwa ya bato ebele baye babomama na ba ADF bimonani na Beni.

Mikuwa ya pene na bato zomi na libwa bimonanaki lobi loleki na Ntoma mpe Mulwa, bisika babale biye bizali na secteur ya Ruwenzori, na territoire ya Beni, na Nord-Kivu.

Engebene na Meleki Mulala, coordinnateur ya Nouvelle Societe civile ya ekolo Congo democratiki (NSCC/Ruwenzori), mikuwa mizalaki ya ba civili baye balongolama mpe babomama na batomboki ya mampinga ya Forces democratiques et alliées (ADF).

Amonisi ete basali bilanga baye bazalaki kokende na bilanga ba bango nde bamonaki mikuwa yango.

Motomolo ya NSCC alobi ete ezali naino pasi mpo na koluka koyeba bato baye bazuaki likama.

Meleki Mulala amonisi bobangi na ye o’boso ya likambo lina mpe asengi ete bolukiluki bobandisama na misala mitali bokengi mpo na koyeba bato bazwaki likama.

Asengi mpe bozongisami ya bokengi na eteni eye ya ekolo.