Nkita

Dieudonné Kasembo aponami mokambi ya FEC na maponami ya kobandela

Dieudonné Kasembo na maponami ya kobandela mpo na mokambi ya FEC (Fédération ya ba entreprises ya Congo) na Kinshasa, RDC, 23 décembre 2020. (Facebook/Code 243)

Dieudonné Kasembo alongi, mercredi 23 décembre na Kinshasa, maponami ya kobandela masengamaki na Conseil d’Etat mpo na kokamba FEC (Fédération ya ba entreprises ya Congo). Conseil d’Etat eboyaki elonga ya Albert Yuma ya le 20 novembre nsima na bosenga ya M. Kasembo mpe bato basusu babale.

Kaka ba administrateurs 14 baye bazalaki na maponami ya mercredi 23 décembre nde bapoboni ye bango banso.

FEC ezalaka na ba administrateurs 130.

Conseil d’Etat eboyaki elonga ya Albert Yuma nsima na bosenga ya Dieudonnée Kasembo mpe bato basusu babale.

Kasi FEC na ba administrateurs mingi bayanolaki ete maponami masi masalemaki le 26 novembre 2020 mpe M. Yuma nde alongaki yango. Nungu nungu mpe matata mazali.

M. Kasembo oyo azalaki kaka ye moko lokola moto asengeli koponama na maponami ya kozongela.

"Mibu 30 mikoki wuto nazali moto na misala ya nkita (opérateur économique). Président Tshisekedi awuti kokota na bokonzi kaka sika, ndenge nini bakoki koloba ete nazali candidat ya présidence ? Te," elobaki M. Kasembo na lisikulu na ye.

M. Kasembo alobi ba administrateurs basusu ya FEC bazali na Kinshasa te mpe basusu balingaki te kopona mpo na maye masalamaki liboso.