Nkondo Etienne Tshisekedi atombwami nsima na liwa na ye na molongo ya Grand cordon ya " Bilombe ya mboka" ("Héros nationaux"), kolanda meko ya mokonzi ya ekolo Felix Tshisekedi, mwana wa ye.
Meko yango ezwami mpe esakolami o’mokolo ya le 31 mai mpe esalami na likanisi ya chancelier ya ba ordres nationaux, elobi mokanda mosakolami télévision nationale ya Congo démocratique.
Meko yango elobi ete bakonzi batali "misala malamu mimonisa na bitumba molayi mpe ya mpasi mpo na botiyami ya démocratie mpe bokendi liboso ya bomoyi ya bato ya mboka, botiyami ya mboka ya mobeko ya solo mpe bobateli ya makoki ya bomoto ".
Etienne Tshisekedi adimami bongo na molongo ya "Grand cordon" ya "Blombe ya mboka" Kabila-Lumumba.
Botombwami Etienne Tshisekedi na molongo ya " Bilombe ya mboka" ekoki kosalama na nsima. Esengeli endimama yambo na Parlement.
Emery Lumumba mpe Laurent-Désiré Kabila bango nde bazwaki mbano yango mbala ya liboso.