Bosembo

Mokano ya Cour constitutionelle ekei ngambo ya TGI eye epesaki elonga na Albert Yuma

Albert Yuma Mulimbi

Cour constitutionnelle ekati ete Tribunal ya grande instance (TGI) nde ezali na bokonzi ya kokata nkwokoso ewutaki na maponami mabale masalamaki mpo etali bokambi ya FEC, Fédération des entreprises du Ciongo. TGI epesaki elonga na Albert Yuma ata Dieudonné Kasembo alongaki na maponami mibale.

Cour constitutionnelle eyanoli na bosenga ya M. Yuma mpo na kokata matata mazalaki na mpo etali bokambi bwa FEC nsima na maponami mabale masalamaki mpe mabimisaki bakambi babale.

TGI ekataki le 31 décembre ete boponami bwa M. Yama bozalaki bolamu. M. Yuma oyo aponamaki le 26 novembre mpo na kokomba kokamba FEC,

Yambo na yango, maponami masusu maselemaki na mokano ya Conseil d’Etat le 23 décembre mpe Dieudonné Kasembo oyo aboyaki boponami ya M. Yuma, alongaki maponami maye ma mibale bo’ candiat moko.

M. Kasembo akendaki na Coneil d’Etat mpo aboyaki bobonami M. Yuma. Coneil d’Etat ebwakisaki boponami ya M. Yuma esengaki maponami masusu maye masalamaki le 23 d♪0cembre.

Na boponami bwa mibale, M. Kasembo aponamaki kaka na bakambi 14 ya FEC, ntango motango na bango mozalaka 130 na RDC mobimba.

Bitumba ya ngambo ya président Félix Tshisekedi na ya mokonzi ya kala Joseph Kabila bimonani na na FEC.

M. Yuma, mokonzi ya kala ya Gécamines mpe mokambi ya FEC wuta koleka mibu 15, azali moko na baye bazali mpeza pene na Kabila.

Mpo na baike na FEC, M. Kasembo nde azali ngambo ya M. Tshisekedi kasi ye moko aboyi kondima yango.