Congo-Brazzaville

Opposition etelemeli "vote anticipatif" ya basoda mpe ya bayi bokengi koponami

Bakeli mibeko na parlement ya Congrès na Brazzaville, Congo, le 13 septembre 2017. (VOA/Arsène Sévèrin)

Bayi opposition ya Congo-Brazzaville batelemeli mabongisi ya mobeko matikami na parlement na ntina ya kopesa nzela na bayi bokengi mpe ba soda kokoka kopona yambo na ngonga. Mpo na opposition, ezali mpo kobebisa maponami ya mokonzi ya mboka ya 2021.

"Mambongisi mango masili matikamaki na bureau ya Parlement o'mokolo mwa mposo na ntina ya kopesa nzela na ba gendarmes, policiers mpe basoda kopona yambo na ntango mpo ete basala kaka mosala ya bokengi o’mokolo mwa maponami," elimboli ministère ya boyokani na parlement.

"Kondima mobeko moye, ezali kopesa maboko na bokweyisami bwa mboka, mpe (ezali) kondima moyibi na maponami mbala mibale mpe botondisami bwa sanduku ya maponami mpo na bolamu ya candidat ya Parti congolais ya Travail (eye ezali na bokonzi)," epaleli opposant Guy-Brice Parfait Kolélas, mokambi ya ba républicains humanistes (UDH-Yuki).

Maponami ma mokonzi ya mboka makosalama na avril 2021.

Moko na bayi mbulamatari alimboli na AFP ete ata basoda mpe bayi bokengi baponi te yambo na mokolo na maponami, ekozala kaka mongongo moko mpo na moto moko nde ekotangama.