Bayi opposition kati na parlement ya RDC bapaleli bureau ya Assemblée nationale na kosenga bakambi ya ba groupes parlementaires kopana balakisi ya bilongi na bango na CENI ntango mbongwana esalami nanu te.
Ba parlementaires ba oppositon parlementaire bokolemi mokambi ya Assemblée nationale, Jeanine Mabunda na bureau ya suku eye ya ndako ya bokeli mibeko.
Bapaleli bureau ya Assemblée nationale na kokoba kondima Ronsard Malonda bo’ mokambi ya CENI ntango bato baboyaki ye mpe basusu bakufaki na botelemeli bosalamaki mpo na ye.
Mpo na bango, "kokoba kondima M. Malonda ezali kofinga ekolo mpe koluka bitumba na ban aya mboka," ekomi bakeli mibeko ya opposition.
Na mikanda na bango, bapameli bureau ya Assemblée nationale na kotika te rapport ya lolenge CENI ekambamaki botalama lokola mpe mabongisi ma mbongwana ya mibeko ya mamponami.
MLC na mangomba misusu batindela mercredi mokanda na mokambi ya Assemblée nationale Jeanine Mabunda mpo na yango.