Bosembo

TGI etelemisi boponami ya Dieudonné Kasembo bo’ motambwisi ya FEC mpe ezongisi Yuma

Albert Yuma Mulimb, mokambi ya FEC mpe mokambi ya kala Gécamines mpe Utexafrica, awa na Paris, le 27 octobre 2015.

Tribunal ya Grande instance ya Kinshasa/Gombe etelemisi boponami ya Dieudonné Kasembo bo' motambwisi ya FEC (Fédération ya ba entreprises ya Congo), bosalamaki na bobandelami na bosenga ya Conseil d’Etat.

Tribunal ya Grande instance Gombe ekati ete Albert Yuma oyo Conseil d’Etat eboyaki bobonami na ye na bosenga ya M. Kasembo, atikali na esika.

Bayi misala mya bosembo balimboli ete TGI ezwi ba mikano ya kobatela (mesures conservatoires),

Tribunal ya Grande instance Gombe esengi na M. Kasembo kopesa mikanda minso mya misala misalamaki wuto le 23 décembre na M. Yuma.

M. Kasembo aponamaki kaka na bakambi (administrateurs) ya FEC 14 ntango motango na bango ezali 130.

M. Yumba akambaka FEC wuto mibu 15, aponamaki lisusu le 29 novembre mpo na kotikala na ebonga na ye.

Balandi ba politiki bakanisi mayi politiki mazali na nsima mpo M. Yuma azali na ngomba ya mokonzi ya kala Joseph Kabila mpe M. Kasembo ya mokonzi ya sika Félix Tshisekedi.