"Cour constitutionnelle ya soni ebungusi yango moko kondimama na yango na kobimisaka bikateli bizangi sembo, ‘fantaisistes’ mpe bitindami na politiki. Tobosana te kaniaka eye bato banso bazali kotelemela", ekomi Martin Fayulu, moko na bakambi ya Lamuka na compte Twitter na ye.
Nzokande MLC, lisanga ya Jean-Pierre Bemba, eyebisi ete ekomema makambo matali miko ya Cour cosntitutionnelle mpo na ba parlementaires na yango na misala ya molongo ya bosembo.
MLC ebimisaki liyebisi mercredi na mpokwa nsima na ekateli ya Cour constitutionnelle. Kaka ba députés misato ya MLC nde bazongisama na mokano ya suka ya Cour constitutionnelle. Kasi mitano misusu nde balongwe.
Ndenge moko mpe Pierre Lumbi na masanga ma ye MS (Mouvement social) mpe AAD (Alliance pour l'alternance démocratique), basepeli te ndenge ba députés na mitano ya masanga maye balongolami libale na mokano ya suku ya Cour constitutionnelle.
Pierre Lumbi asengi na président Félix Tshisekedi asala "mabongisi makoki mpo na ko kotiya na esika ba zuzi ya sika ya Cour constitutionnelle mpe kosala mbongwana ya misala ya bosembo".
M. Lumbi alobi yango na bokutani na bapanzi sango na Kinshasa.
Tokundola ete masanga MS mpe AAD ya Pierre Lumbi mibale mazali mpe kati ya lingomba monene ya Lamuka liye ba députés na lyango nde balongamaki mingi koleka.
Na mokona ya suka Cour constitutionnelle ebimisi mercredi nsima na kolatala ba recours, bayike kati na parlementaires balongwaki bazongi kasi basusu balongwe libela. Bazalaki pene na 50 parlementaires, ya opposition mpe ya pouvoir (FCC-CACH) baye bazalaki invalidés.
Kasi nungunungu ebimaki. Baye ya Lamuka basalaki botelemeli libosoya Cour constitution. Président Félix Tshisekedi asololaki na na président ya Cour eye, Bénoit Lwamba oyo atiya suku moko mpo na kobongisa mbeba esalamaki.